Kabilin sa mga ginikanan

Dear Atty. Divine,

Duna mi property nga na inherit gikan sa among nga ginikanan. Lima mi ka magsuon ug ang tulo atua na magpuyo sa gawas.

Ang akong usa ka igsuon mi suggest nga i-process na ang pag-transfer sa maong property sa among pangan apan tungod  kay wa ang tulo diri sa Pilipinas gusto nila nga kami rang duha sa akong igsuon ang mopirma sa mga dokumento alang sa pag-process sa estate tax og sa pag-transfer, mamahimo ba kini? Daghang salamat.

Lina

* * *

Dear Lina,

Kun ang tulo nimo ka igsuon dili mo execute og Special Power of Attorney nga nag authorize kaninyo sa pagpirma sa document in their behalf then di maapil ang ilang name sa Extrajudicial Partition nga inyong pirmahan.

Ug kun kamo rang duha sa imong igsuon ang mopirma kay wa silay SPA then ang titulo ug tax declaration sa maong property mabalhin sa inyo rang duha ka pangan ug di sila maapil. So mas maayo nga  inyo silang sultian nga mo execute nalang og SPA aron kamo maoy mopirma in their behalf sa dokumento og aron mabutang gyud ang ilang names sa title.  Thank you and God bless!

Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.