Pagbalik ngadto old school calendar

Ato na kining gihisgutan dinhi sa dihang si Sen. Gatchalian misugyot nga ibalik ngadto sa daang school calendar ang pagbukas sa mga saring, gumikan sa subrang kainit sa panahon.

Bitaw, ambot ngano nga misunod man kita sa school calendar sa Amerika nga lahi man ang ilang klima didto kay sa ato dinhi. Inig-summer dinhi sa ato, sama karon, vacation time unta, ang kabataan, either anaa ta sa ilang kabalayan, o nag-duwa-duwa, o mouban sa pagbakasyon sa ilang mga ginikanan.

Apan, karon, nagtungha pa, uban sa nagligiting nga silaw sa adlaw. Ngano man ni? Nganong ato mang padayunon ang ilang pag-sakripisyo nga human na man ang Lenten season? Unta, naglipay na usab unta sila niining pagkabanhaw sa atong Ginoo.

Nalipay kita nga sa napatik sa Philippine Star, gitun-an na sa DepEd ang sugyot nga ang  pagtungha sa kabataan ibalik ngadto sa daan nga academic calendar, diin magmugna sila og special group nga maoy mohimo sa mga pagtuon nga ibalik ngadto sa April-May calendar. Matud ni Michael Poa, tigpamaba sa DepEd, ang maong proposal, ila na kining gihatagan og   konsiderasyon, aron dili na ma-exposed ang kabataan ngadto sa summer heat. Nindot.

Hinumdoman nga last survey nga gihimo, uban sa kapin 11,000 ka magtutodlo, 67% kanila ang nakasinati sa grabe ug subrang kainit sulod sa mga lawak-tunghaan, nga naka-distutrbo sa kabataan, ug nakaapektar sa ilang attendance (lagmit, sige na lang og absent gumikan sa kainit). 

* * *

Gi-feature sa YouTube ang 25 ka labing adunahan nga tawo dinhi sa atong nasud. Number 2 man si Manny Villar. Lupig ang ubang mga dato kaayo nga mga bilyonaryo sa nasud. Unya, gi-feature usab ang 10 nga labing adunahan nga probinsiya sa tibuok kapupod-an. Of course, number one ang Sugbo. Dato kaayo ang atong probinsiya. Apan, sa labing adunahan o most progressive nga lungsod (municipality) sa nasud, a big majority taga-Luzon, walay Sugbo. Lagmit kon dunay survey bahin sa politika, most probably, kita maoy manghawod dinhi. Kahibawo man ta nga ang politika, daku kaayo nga hindrance sa pag-uswag.

Unya, gi-feature usab ang 10 ka nasud dinhi sa South Asia nga dagko og mga utang. Number 5 ang atong nasud, samtang ang number one, mao ang ang Singapore. Apan, nagmalambuon ang Singapore. Lagmit ang ilang mga utang, gihapak gayud ngadto sa mga proyekto, ilabina na sa mga social services, ug walay nahisalaag nga salapi.

* * *

Easter Sunday. Kon wala pa mabanhaw ang atong Manunubos, walay sad untay salvation. Nulo ang pagpasakit ug ang Iyang pagpakamatay. Kon buot hunahunaon, mao kini ang labing daku nga kasaulogan sa Simbahan ug alang niadtong nituo Kaniya.

Ania ang tipik sa Easter Message ni President Bongbong Marcos, sumala sa napatik sa Philippine Star: “May this day be an opportunity for us to pause and give thanks for the opportunity for renewal and recovery as we push through our quest for genuine unity and progress for all.

“As we celebrate the magnificent glory of our risen Savior, let us all take into heart this Christian foundation as we work for and welcome better days for ourselves, our families, and our neighbors as well.”