Ikalimang pulong Giuhaw Ako!

Tugoti ko nga akong sugdan kining maong pamalandong sa Ikalimang Pulong: Giuhaw Ako pinaagi sa balak nga tinagik ni Mary Olver kang kansang ulohan: THIRST

Thirst

By: Mary Oliver

Another morning and I wake with thirst

for the goodness I do not have. I walk

out to the pond and all the way God has

given us such beautiful lessons. Oh Lord,

I was never a quick scholar but sulked

and hunched over my books past the hour

and the bell; grant me, in your mercy,

a little more time. Love for the earth

and love for you are having such a long

conversation in my heart. Who knows what

will finally happen or where I will be sent,

yet already I have given a great many things

away, expecting to be told to pack nothing,

except the prayers which, with this thirst,

I am slowy learning.

Nanghingutas na gyud ang atong  Ginoo niadtong tungora. Taliwala sa maong kapaitan nangayo siya og kahupayan. Oo tungod kay tinuod siya nga tawo busa nasakitan ug nahiubos. Wala niya damha nga bisan pa man sa kaayo nga iyang gipakita nahimong idlas alang kaniya ang pagpangga ug pag-amoma sa katawhan nga iyang gimahal. Dunay nakadungog sa ug nipatalinghog apan imbis tubig gihatagan siya og suka nga sinagolan og apdo ug gitunol aron si Jesus makainom og diyotay. May sagol kining tambal sa pamasin nga maibsan ang ang nahiagoman niyang kasakitan. Apan mag-unsa man kin isa iyang lawas nga nahimong guba na kaayo gumikan sa pagkulata nga dili hitupngan? Unsaon man niini paghupay sa kauhaw nga dili lang kalabot sa yanong tubig kondili usab sa pagtuo, paglaum ug paghigugma?

Ning atong kapanahonan karon sud-onga kalag nga Kristiyanos kun giunsa nato ang Ginoo diha sa atong panaw sa pagtuo? Dili ba sa makadaghang higayon? Bisan gani sa pagpanguros dili ba atong gikaulaw ang Ginoo? Sa mga panahon nga kita mokalawat sa iyang lawas ug dugo apan ato lang gibalewala ang kasagrado niini kay wala man nato ihatag ang tukmang pagpangandam? Nahimo kitang uga sa atong pag-ampo sa maong kauga atong naamgohan nga kulang gyud diay ang atong kinabuhi kun wala ang Ginoo. Atong nakita nga bisan pa man og anaa kanato ang tanan, mamahimong daw kuwang lang kini gihapon tungod kay wala man nato tugoti ang Ginoo nga mamahimong kabahin sa atong kinabuhi.

Kun kita giuhaw sa Ginoo siya usab giuhaw kanato. Sa matag higayon nga:

1.  Malisod alang kanato ang pagpasaylo kanila nga nagpakasala kanato.

2.  Kun mas gihigugma pa nato ang atong kabtangan kaysa atong isig ka tawo.

3.  Kun ang kaligutgot naghari sa atong galamhan

4. Kun nahimo kitang walay pagpakabana sa panginahanglan sa uban

5.  Kun nahimo kita masinupakon sa Diosnong kabubut-on

6.  Kun nahimo kitang mosangpit lang sa Dios kun adunay panginahanglan

7.  Kun malisod alang kanato ang pagkakita sa presensiya sa Dios diha sa atong isigkaingon.

Kini ug daghan pang mga hinungdan kun nganong padayong giuhaw ang Ginoo sa atong pagpangga. Ang Dios nagpangga kanato ang pakamaluibon ba ang atong ibawos?