Mapugos ba ang kapikas pagbayad sa utang?

Dear Atty. Divine,

Ang akong bana nangutang sa lending kay gisugal ug  wa ko masayud. Wa niya mabayri ang maong utang ug karon midako na kini tungod sa gipatong nga interest sa lending company. Naningil na ang lending company ug giapil ko nila sa pagpaningil. Ang akong pangutana kun di makabayad ang akong bana mapugos ba ko nila isip asawa sa pagpabayad niini?  Daghang salamat.

Laura

* * *

Dear Laura,

Kun dili makabayad ang imong bana sa maong utang sa lending, ikaw isip asawa dili ka mapugos sa pagbayad niini ilabi na kun wa ka masayud sa maong utang ug kun ang maong kwarta nga iyang giutang wa niya gamita alang sa kaayuhan inyong pamilya. Apan kun ang maong utang gigamit pa sa inyong mga galastuhan sa inyong pamilya then ma-obligar gyud ka sa  pagbayad niini kay ang maong salapi gigasto man alang sa imong pamilya.  Apan sa kaso sa imong bana, iya mang gisugal ang kwarta so basi sa balaod dili ka mapugos sa pagbayad niini kay wa man makabenepisyo ang imong pamilya sa maong utang.Thank you and God Bless!

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.