Saints and Sinners

Kining mga kobrador sa buhis giisip man nga mga Public Sinners sa ilang kapanahonan.

Ning maong kapasikaran, ang atong Ginoong Jesus ang nahimong nasawayan sa mga Pariseo ug sa mga Magtutudlo sa Balaod tungod kay lagi, nakigsalo sa mga kobrador sa buhis ug sa mga makasasala.

Dili hinuon kita makabasol sa mga Pariseo ug sa mga magtutudlo sa balaod sanglit, ang katilingban nila kaniadto purist man kaayo, dili gusto og bisan unsang mahugaw labina kun maghisgot kita og sukaranan sa moralidad.

Apan gitataw sa atong Ginoo nga wala siya moanhi aron pagtawag sa mga matarong kondili sa makasasala usab kay matud pa ang mga maayo og lawas wala man magkinahanghan og doctor kondili ang mga masakiton lamang.

Sa atong panaw ning panahon sa kwaresma atong pangutan-on ang atong kaugalingon

1. Nahimo ba akong maneguro lamang sa akong kaugalingong kaayo ug akong himoong dautan ang uban?

2. Kun ang Dios nisabot sa akong kahuyang nganong malisud alang Kanako ang pagdawat nga sama Kanako huyang usab ang uban?

3. Ang pagpasalamat nga bisan tuod sa akong kadautan ang Dios sa gihapon nakigsalo man Kanako.