Taas nga interes sa utang
Dear Atty. Divine,
Nangutang ko sa lending og P60,000 adtong December unya ang interest niini 10% per month. Busa ang akong bayran matag buwan P6,000.00. Taas kaayo ang interest ug maglisud ko sa pagbayad dayon sa akong utang.
Ang akong pangutana, mapugos ba gyud ko sa pagbayad sa maong interest bisan dako ra kaayo kini? Unsay angayan nako nga buhaton? Daghang salamat.
Glenda
* * *
Dear Glenda,
Kun wa kay gipirmahan nga kasabutan labot sa pagpahamtang og 10% nga interest sa imong utang then way basihan ang imong giutangan nga mo charge kanimo og 10% matag buwan.
Grabe kadako na nga interest so maglisud gyud sa pagbayad ang nangutang niana. Basi sa Article 1956 of the Civil Code kini nagkanayon: “No interest shall be due unless it has been expressly stipulated in writing.” Apan kun duna moy gipirmahan nga kasabutan hayan mapugos gyud ka sa pagbayad apan pwede ka nga mo-question sa kadako nga gipatong nga interest ngadto sa korte.
Kun maglisud gyud ka sa pagbayad mamahimo sab nimong suwayan sa paghangyo ang imong giutangan nga paubsan ang iyang interest. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
