Kinsay magpa-repair sa apartment?
Dear Atty. Divine,
Nag abang ko og apartment og karon adunay problema sa atup kay magtulo kon mag-uwan.
Ang akong pangutana, kinsay mogasto sa pagparepair niini, kaming nag-abang or ang tag-iya sa apartment? Daghang salamat.
Gwen
* * *
Dear Gwen,
Basi sa Art. 1654 sa atong Civil Code, ang Lessor o tag-iya sa imong giabangang apartment maoy obligado nga mogasto sa pagparepair sa apartment nga imong gipuy-an.
Ang Lessor maoy dapat mo maintain sa property aron magpabilin kining in good condition.
Kon pananglit iyang langayon ang pagrepair mamahimo ra sab kun mosugot ang Lessor nga ikaw ang mogasto sa repair apan imong i-deduct sa imong abangan.
Apan kun pananglit di gyud niya ipa-repair ang atop, lain nimong option mao ang pag-suspend sa imong pagbayad sa rental hangtud nga iyang ipa-repair ang property. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
