Katekesis No. 47 Aborsyon ug ang simbahang katoliko

Tataw og dili matarong ang pagtulon-an sa Simbahang Katoliko tataw og lig-on:

“Ang kinabuhi angayang panalipdan pag-ayo sukad sa pagpanamkon. Ang pagpakuha og pagpatay sa masuso mga krimen mga mangil-ad” (CCC 2271).

Adunay muingon nga ang: “Ang turok o binhi sa tiyan sa inahan dili pa tawo.”

Sayop kining maong pagsabot. Makita na sa larawan ang kumpleto nga lawas sa tawo. Sulod niining gamayng lawas ang kinabuhi, bililhong kinabuhi, nga hinimo og hinigugma sa dios. Kining gamayng binhi gitawag sa dios aron mabuhi uban kaniya sa kahangturan tungod kay sa gipanamkon pa lamang siya gihuypan na siya sa dios sa iyang kalag. Kini ang nindut nga pagtulun-an sa Simbahang Katoliko:

“Ang tawhanong kinabuhi angayang tahuron ug panalipdan gayud gikan sa pagpanamkon. Sukad sa iyang pagkahimugso, ang tawo angayang ilhon nga may katungod isip tawo usa niini mao ang dili mahikaw nga katungod sa tanang inosenteng nilalang sa kinabuhi” (CCC 2270).

Bisan kon ang gobiyerno sa nasod magtugot sa aborsyon, ngil-ad nga krimen gihapon kini batok sa kinabuhi ug batok sa dios. Ang diosnong sugo: “Ayaw pagpatay” nagbarog nga samag bato nga dili matay-og sa “tingog sa kadaghanan” sa katawhan.

Bisag kadtong nitabang sa aborsyon gisalikway sa Simbahan ug dili makakalawat. Wala nila tahura ang usa ka hiyas nga gipakadak-an sa katilingban sa Simbahan. Bugtong pinaagi sa sakramento sa pakighiuli lamang sila dawaton pagbalik sa simbahan. Kining maong silot   “magpakita sa gibug-aton sa krimen nga nahimo, ang dili mahilot nga kadaut nga nahimo batok sa usa ka inosente nga gipatay, ingon man sa ginikanan ug sa tibuok katilingban” (CCC 2272)

Balaang Kasulatan

Ang kasulatan tino kaayo nga nagsulti nga ang dios nahilambigit gayud sa kinabuhi sa binhi. Mabasa sa Salmo 139:13: “giumol nimo ang akong kinauyokan, ug gitago sa tagoangkan sa akong inahan.”

Tradisyon

Gikan sa mga karaang dokumento sa simbahang katoliko pananglitan ang “Didache” nga mga 2,000 ka tuig na nga nasulat Mabasa kini: “Ayaw pagpatay sa turok sa binhi pinaagi sa aborsyon ug ayaw pasagdi ang bag-ong natawo nga bata kay tingalig mamatay kini.”