Pagpalawom

1.  Kagikanan sa Pulong

Ang pulong Eyukaristiya gikan sa Griyegong Pulong Eukarestein kun pagpasalamat. Sa ato pa ang pagsaulog sa Santos nga Misa usa man ka matang sa pagpasalamat. Apan nunot ning maong pagsabot dili nato mahawa ang pagsabot sa Eyukaristiya ingon Sakripisyo. Sama kini sa Sakripisyo nga gihalad ni Jesus didto sa Balabag sa Krus. Ang sakripisyo nga gihimo ni Kristo Jesus alang sa atong kapasayloan ug kaluwasan.

2.  Mga Bahin sa Santos nga Misa

2.1.    Liturhiya sa Pulong

Atong pagabasahon ug pamalandongan ang pulong sa Dios gikan sa Balaang kasulatan. Naglangkob kini sa unang pagbasa, (karaang Tugon) Salmo Ikaduhang Pagbasa (Bag-ong Tugon) Ebanghelyo. Motapos kini diha sa Pag-ampo sa Katawhan.

2.2.    Liturhiya sa Eukaristiya

Magsugod kini sa paghalad sa mga gasa, hangtud na sa pagtapus sa Misa

3.  Ang Transubstantiation

Nagpasabot kini nga bisan kun ang materyal pan ug bino nagpabiling pan ug bino diha sa atong panlantaw apan sila sa matuod gayud ang nahimong tinuoray nga lawas ug dugo ni Kristo nga angayan natong ludhan. Ang atong gidawat mao  man ang lawas ug dugo ni Kristo. Ug dili lang kay pan ug bino.

4.  Unsaon nato siya sa Pagdawat?

Dawaton nato ang Ginoo diha sa kahimtang sa grasya inubanan ang dakong pagtahud ngadto sa iyang pagka-anaa (Presence) uban kanato.

5.  Tapus na ang Misa

Apan wala kini magpasabot nga kutob ra kita sa Balay Alampoanan, kun unsa ang atong nakat-onan ato kining ipadan-ag sa uban pinaagi sa atong binuhatan. Unta sa atong pagkalawat sa Ginoo mamahimo unta kitang sama kaniya.