Ang Pag-Ampo Pasiuna

Nagkadaiya ang pagsabot sa mga tawo ug mga teologo kun unsa ang pag-ampo.

Apan kun atong basehan ang giingon ni Dr. Thyme sa iyang pag-ingon: “Christianity is not not only a religion but a Relationship, nan, nagpasabot kini nga nag pag-ampo usa diay ka pakiglambigit kun pakigrelasyon sa Dios ug natong mga tawo.

Sa pagdagan sa panahon nagkadaiya ang paagi sa pag-ampo.

Naglambigit kini ning mosunod:

1. Pagsimba – diin atong gisimba ang Dios diha sa iyang pagka gamhanan.

Ang pagsimba alang lamang sa Dios ug dili mahimong ihatag lamang ni bisan kinsang tawo. Gitawag kini og latria.

2. Pagdayeg- atong nakita ang atong kaubos atubangan sa Dios busa natural lamang nga ato siyang daygon.

3. Pagpangayo- Deus Providet kun God will provide. Pinaagi ning maong kapasikaran kita mahangyoong nangayo sa Dios sa atong mga panginahanglan.

4. Paghinulsol/Pagbasol nga gumikan sa atong dakong kasaypanan kita nangindahay sa kapasayloan nga gikinahanglan sa atong kalag.

Ang pasaylo sa Dios dako kaayo og kahimoan alang kanatong mga tawo aron kita maalim gikan sa mga samad nga atong nahiagoman.

5. Pasalamat- Ang Grasya ug kaayohan nga atong nadawat angayan lamang nga pasalamatan. Mao ni hinungdan nganong anaa kitay mga thanksgiving days aron kita makapasalamat.

Panapos

Hinumdomi nga sa matag panahon nga kita mag-ampo kita ang mohamtong sa atong kinabuhing espirituhanon.