Gamhanan ang paglaum

Ang biyuda kaniadto labina gyud sa kapanahonan sa atong Ginoo ang maisip natong sakop sa marginalized sector sa katilingban.

Wala silay kaugalingong tingog kinit ungod nagsalig ra man sila sa mga lalaki. Ang katilingban kaniadto patriarchal kun male-oriented society.

Atong nakita dinhi nga ang biyuda dunay dakong panginahanglan kalabot sa iyang  katungod. Kun buot hunahunaon katungdanan usab unta sa huwes nga iyang panalipdan ang maong  biyuda sa hangyo niini.apan nagdumili siya sa makadaghan.

Apan sa kaulahian niuyon siya kini tungod kay nakita man niya sa iyang kaugalingon nga mamahimo siyang mauwawan kini tungod kay ang  maong hangyo sa biyuda tingali gihimo atubangan sa daghan kaayong mga saksi.

Ang mga saksi makapanaway sa huwes tungod kay wala niya hatagi og igong pagtagad ang yangongo sa biyuda kalabot sa iyang buroka tungod kay kun buot hunahunaon katungdanan kini sa huwes.

Ang biyuda wala gyud mawad-I og paglaum. Imbis maluoy sa kaugalingon kun self-pity padayon siyang nihangyo hangtud nga natuman niya ang gipangandoy nga malabanan siya sa maong huwes  kun maghuhukom. Kun ang tawo nga walay tahud sa Dios nitabang sa Biyuda ang Dios pa kaha nga nagmahal kanato sa hilabihan?

Sa atong pag-ampo atong himoon karong semanaha kining makanunayon:

1. Pagkamakanunayon diha sa paghangyo sa Dios. Sa ato pa, kinahanglang mag-ampo kita sa walay hunong. May panginahanglan man o wala.

2. Ang pagkamakanunayon usa man ka dakong birtud sa mata sa Dios ug sa tawo.

Sa katapusan kining maong awit nga tinagik ni Narcisa Fernandez usa man ka kahimanan sa pagdasig kanato nga dili maayo nga wad-on ang paglaum.

Laum Kalag Ko (N. Fernandez)

1. Kun adunay  kahayag human sa  kangitngit/kun adunay kalipay human sa kasakit. Kun adunay katam-is human sa kapait/laum kalag ko adunay langit!

Koro

Ginoo, milaum ako kanimo/mituo ako sa kagahuman mo/misalign ako sa imong gugma/ sa imong pagpangga ug pag-amoma

2. Kun adunay kalinaw human sa kasamok/kun adunay pasaylo human sa kaligotgot/kun adunay pagbati human sa kayogot. Laum ko ayaw kahadlok. (koro)