Timailhan sa pagka-ulipon

Giangkon ni Agriculture Undersecretary Domingo Panganiban nga dako kaayo nga isyu ang kurapsyon sa sector sa agrikultura tungod kay nalambigit niini ang mga opisyal ug ubang personalidad sa pribadong sector ug taas pa ang proseso nga subayon sa pagwagtang niini. Kuyanap na gayod ang kurapsyon sa nasud. Ang nakaparat kay ang mga kabus nga magbubuhis maoy nagbayad niini. Matud pa sa panultihon, “Ang pagbayad og buhis ngadto sa kurap o kawatan nga gobyerno dili buhat sa pagka-lungsodnon kon dili timailhan sa pagka-ulipon.” Madahaan!

Pagbuntog sa malnutrisyon

Namahayag ang DBM nga adunay P3.7 billion nga gigahin alang sa Supplementary Feeding Program (SFP) alang sa kabataan nga pagadumalahon sa DSWD. Buot sa kagamhanan nga ang atong kabataan makakaon ug masustansyang pagkaon ug magpuyo nga mahimsog. Base sa panukiduki, daghan’g bata nga mamatay tungod sa malnutrisyon. Dakong baligho nga nahitabo ang maong matang sa kamatayon sa kabataan taliwala sa kadagayâ sa uban. Manghinaut kita nga magapadayon kini’ng programa. Kay ginaingon man nga “kon nabuntog nato ang misteryo sa kawalaan, mabuntog usab nato ang kagutom sa kabaatan”.

Aprruub!

Mahuwasan ra

Matud pa sa DOH-OIC nga si Dra. Vergerie, ang pag-imponer sa buhis sa giingon’g mga “sin products”, sama sa bino ug sigarilyo, nakatabang sa DOH sa ilang programa sa pagkontrolar sa lifestyle sa katawhan. Dili piho nga ang pag-imponer og “sin taxes” miresulta sa paghunong sa bisyo sa mga palahubog ug manigarilyohay. Makapahinumdum sa magtiayon nga naglalis diin ang asawa mihingalan sa iyang bana nga “way hinungdan ug palahubog”. Sa kalagot sa bana, mitubag kini sa iyang asawa sa pag-ingon, “Sagdi lang kon palahubog ko kay inig ka buntag mahuwasan na man ko, pero ikaw, “BATΔ gihapon og nawong”. Pagkatoytoy!.

Politiko ang magbu-ot

Mihangyo ang Cebu City Council kang Mayor Michael Rama nga ipa-demolish ang culvert bridge nga nahimutang sa SRP nga giingon’g nakababag sa agi-anan sa tubig ug nakaapekto sa panginabuhian sa mga mangingisda sa maong dapit.

Daghan’g proyekto nga gihimo sa kagamhanan diin ang nagbuot ug nagplano mao ang mga kongresista ug local nga politiko, inay ang DPWH ug ang lokal nga engineering o6ces nga moresulta na hinoon sa kausik ug dili haum sa katuyoan.

Haum ang panultihon nga, “Ang pamolitika mao ang abilidad sa pagpangita’g kagubot, paghimo’g sayop nga diagnoses sa maong kagubot, ug dayon, pagdapat sa sayop nga solusyon pagsulbad niini”.

Fezteleern!

Exempting circumstance

Mipalabang og ordinansa si Konsehal Mary Ann de los Santos nga magtugot sa Konseho nga mo-issue og subpoena ingon man mo-“cite in contempt” niadtong magdumili sa pagtamod sa subpoena nga luwatan unya sa Konseho. Ang maong ordinansa, nag-imponer og silot niadtong mosupak. Wala matataw sa taha kon excempted ba sa silot kadto’ng makahatag og balido nga rason sa iyang wala pagtambong. Agi’g sugyot, angayan nga ilatid kini sa ordinansa. Kay bisan gani ang tawo nga makapatay, ma-abswelto pa man kon aduna siya’y ika-presentar nga “exempting or justifying circumstances”. Owrayt!