Consumatum Est

Daghan sa mga tinun-an karon ang nagmalipayon kini tungod kay nakahuman na gyud tawon sila sa ilang panaw nga akademiko.

Gani sa among panaw nahimong daw makahupay labina kun makita nila ang ilang kaugalingon nga magsul-ob na sa sablay. Makaingon sila sa linatin pa: “Consumatum Est!”

Kun natapus na! Natapus na ang seguradong hawanan sa classrooms ug sa group chats apan sinugdanan pa lamang kini sa mas laing kulbahinam nga panaw. Ang panaw sa kinabuhi sa panlimbasog.

Niadtong nagtudlo pa ko sa University of San Carlos akong giingnan ang akong mga estudyante nga kinahanglang magtuon sila alang sa ilang kinabuhi ug dili alang sa grado lamang.

Nindot man tuod nga dagko ta og grado apan mag-unsa man tuod ang taas nga grado kun wala kay kartiyo. Ug mag-unsa man ang imong flying honors kun mismo ang imong kinabuhi usa ka complete opposite sa imong pangisip. Kinahanglang balance gyud ang tanan.

Gisud-ong ko ang mga nipaso sa dihang gihimo ang graduation sa CTU Malabuyoc.

Nahinumdom nuon ko sa akong graduation kaniadto sa kolehiyo nga nahimo lamang simple. Gani, nahikayan lamang ako paghuman nako sa theology.

Bulawanon kaayo to nga kasinatian alang kanato ug nalipay kaayo ako niadto.

Salamat sa mga tawong manggihatagon nga nakapahuman nako. Ang akong gihimong pagtabang bawus lamagn sa ilang kaayo.

Consumatum est! Sinugdanan alang sa linaing lumba sa kinabuhi. Lumba nga dunay panagtambayayongay ug pag-alagaray. Sa mga graduates congrats ninyong tanan!