Presumptive death

Dear Atty. Divine,

Ang akong bana nagtrabaho abroad ug duna mi usa ka anak. Matag tuig ang iyang schedule nga mopauli. Apan mga lima ka tuig na siyang wa mouli ug wa sab mokontak namo. Ang iyang pamilya nga akong gikontak di sab motug-an kun unsay nahitabo sa akong bana. Karon ang among anak mi graduate na sa college ug wa gyud siya motunga sa graduation niini. Wa siya magsuporta namo ug ako ra gyud ang mikayud hangtud nga nakatapos sa pagtungha sa college ang akong anak. Ang iyang pamilya nga akong gipangutana miingon nga wa na sab kuno mikontak nila ang akong bana. Tungod sa iyang gibuhat nga pag-abandon namo gusto nako nga kalimtan nalang siya sa hingpit. Mamahimo ba nako siyang ipadeklarar sa korte nga patay na? Daghang salamat. — Rose

* * *

Dear Rose,

Basi sa atong Civil Code kun ang imong kapikas na missing ug adunay posibilidad nga kini patay na, mamahimo ang nahibiling kapikas nga mopasaka og Petition sa Korte alang sa Declaration of Presumptive Death sa kapikas nga na missing aron ang nahibilin mamahimong makaminyo pag-usab. Apan basi sa mga desisyon sa Korte Suprema, sa dili pa ang korte makadeklarar nga presumptively dead na ang kapikas nga na missing, kinahanglan nga matuman kining mosunod nga rekisitos:  1. That the absent spouse has been missing for four consecutive years, or two consecutive years if the disappearance occurred where there is danger of death under the circumstances laid down in Article 391 of the Civil Code; 2. That the present spouse wishes to remarry; 3. That the present spouse has a well-founded belief that the absentee is dead; and, 4. That the present spouse files a summary proceeding for the declaration of presumptive death of the absentee.” Sa imo nga kaso, kun wa magpakita nimo ang imong bana sud na sa lima ka tuig dili kana igo nga kabasihan aron siya ideklarar nga presumptively dead, gikinahanglan ang “well-founded belief” nga posibleng patay na siya ug ang imong honest-to-goodness efforts sa pagpangita kaniya aron dili mabasura sa korte ang imong Petition. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.