Forgery kinahanglan pamatud-an sa namangasil

Dear Atty. Divine,

Ang akong amahan adunay kabilin nga yuta sa probinsya. Adunay saup nga nagtikad niini sud na sa pipila ka tuig. Niadtong miaging tuig namatay ang akong papa. Tulo mi ka anak nga nahibilin ug mao unta ang magbahin sa kabilin sa akong papa. Apan sa dihang amo na unta nga sugdan ang pag-process sa pag-transfer sa maong yuta, akong nadiskubrehan nga nabalhin na ang maong property ngadto sa pangan sa saup. Sa dihang akong gipatawag ang saup miingon kini nga gibaligya daw sa akong papa ang maong yuta kanila apan akong namatikdan nga lahi man ang pirma sa akong amahan sa maong Deed of Absolute Sale? Nagduda ko nga gi forged ang signature sa akong papa kay wa man siya maghisgot kanamo nga iya na diay gibaligya ang maong yuta? Mamahimo ba namo nga mabawi ang maong property?  Unsay angayan namo nga buhaton? Daghang salamat. — Jun

Dear Jun:

Kun notarized sa notary public ang maong Deed of Absolute Sale, adunay presumption nga ang imong amahan mao gyud ang nagpirma niini. Basi sa desisyon sa Korte Suprema sa Vda. De Mendez vs. CA and Spouses Dabon nga gidesisyunan niadtong June 13, 2012, ang Supreme Court nagkanayon: “As we have often said, forgery is not presumed but must be proved by clear, positive and convincing evidence by the party alleging it. It is established by comparing the alleged forged signature with the genuine signatures. Considering the technical nature of the procedure in examining forged documents, handwriting experts are often offered as expert witnesses. But although their testimonies are useful, resort to these experts is not mandatory or indispensable because a finding of forgery does not depend entirely on their testimonies. Judges must also exercise independent judgment in determining the authenticity or genuineness of the signatures in question, and not rely merely on the testimonies of handwriting experts.” Xxx. Sa ato pa, gawas sa expert witness kinahanglan ka og dugang ebidensya nga moprobar sa imong pasangil nga gi forged ang signature sa imong papa aron nimo mabawi ang maong property.  Kun aduna ka nay mga ebidensya then mamahimo na nimong bawi-on ang property pinaagi sa pagpasaka og kaso sa korte. Thank you and God Bless! — Atty. Divine