Last will and testament

Dear Atty. Divine,

Ang akong igsuon nga dalaga namatay. Wa ni siya’y anak ug patay na sab ang among mga ginikanan. Tulo mi ka magsuon ang nahibilin. Adunay Last Will and Testament nga gibilin ang akong igsuon sa wala pa siya namatay. Kami sad tulo ang iyang gibinlan sa iyang mga property. Unsay among buhaton aron amo nang mabahin ang property basi sa tugon sa akong igsuon nga namatay? Daghang salamat.  — Grace

* * *

Dear Grace,

Ang Last Will and Testament nga gibilin sa imong igsuon kinahanglan pa kana nga i-submit sa korte for probate. Ang executor or kamo nga mga igsuon maoy mo-file og Petition sa korte sa lugar diin nagpuyo ang inyong igsuon nga namatay. Atol sa probate proceedings susihon sa korte kun natuman ba ang mga rekisitos sa balaod sa paghimo sa maong Last Will and Testament. Momando sab ang korte sa pag-publish niini sa newspaper aron sa pagpahibawo sa tanan nga adunay interest sa kabilin sa imong igsuon. Atol sa hearing, kinahanglan sab nga mo-testify sa korte ang mga testigo sa Last Will aron ilang ipamatuod nga ang imong igsuon mao gyud ang mipirma niini sa wala pa siya namatay. Kun masuta sa korte nga nasubay ang tanang rekisitos sa Last Will ug anaa sab sa hustong panghuna-huna ang imong igsuon sa dihang iyang gi execute ang maong Last Will then aprobahan kini sa korte ug mamahimo nang bahinon ang property nga gibilin sa imong igsuon basi sa iyang gibilin nga Last Will.  Thank you and God Bless.

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.