Adunay paliton nga yuta

Dear Atty. Divine,

Ang akong parents gustong mopalit og yuta para tukuran og balay.

Naa na mi nakit-an but tungod sa location nga duol sa sentro, medyo mahal ang presyo og per square meter ang pagbaligya.

Ang akong pangutana kun unsaon namo pagseguro nga ang nabutang nga area sa titulo mao gyud ang actual nga gidak-on sa yuta?

Gusto lang mi nga maniguro kay per square meter man ang pagbaligya niini. Daghang salamat.

Angela

* * *

Dear Angela,

Mamahimo ninyong ipasukod ang property aron pagseguro kun unsa gyuy actual nga gidak-on niini. Apan kinahanglan nga magsabot mo sa seller nga kun unsay actual area sa property maoy basihan sa inyong pagbayad.

Kay basin og managlahi ang actual area ug ang nabutang sa title so maka cause na hinuon og problema.

Sa ato pa, kun pananglit mas dako ang actual area kun itandi sa nabutang sa titulo then motuman gyud ka sa resulta sa survey. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.