Anibersaryo

Ning nagkaedad na ko dili na kaayo ko kiligon kun maghisgot ta og anibersaryo.

Alang nako ang maong adlaw wala nay laing kalainan sa uban pang mga adlaw. Ingon niini ang akong baruganan. Apan wala kini magpasabot nga bitter ko sa akong kinabuhi.

After all kun unsay akong gihimo sa akong kinabuhi maisip man nga akong gipili.

Ang akong pagpili maoy mohulma sa akong destino. Ang mahinungdanon mao nga committed lang ako kun unsay makaayo dili sa kaugalingon kondili sa kinabag-an.

Nakaamgo ako ning mosunod:

1. Matag tuig nga madugang panalangin busa kinahanglang pasalamatan pinaagi sa pagkamanggihatagon.

2. Puol naman diay ang chika chika ug kaon kaon. M3.     Ang pagsaulog dili kinahanglang gastoso ni kahigayonan sa pagpahimulos sa kaayo sa ubang mga tawo.

4. Ang tinud-anay nga pagsaulog nagpasabot man nga duna kay gidalang legasiya.

Ug  kining maong legasiya mo man ang makapahimo natong mapuslanon bisan kun dili na mahinumdoman.

5. Ang gugma sa kinabuhi maoy magdasig kanato sa paghatag og bili sa kinabuhi sa ubang mga tawo.

Samtang gihigop ko ang kape akong gipamalandongan ang giingon ni Josemaria Escriva nga ang pari walay prebelihiyo hinunoa ang pari dunay responsibilidad.

Ug ning maong responsibilidad maningkamot lamang ako nga mamahimong mapuslanon hangtud sa katapusan.