Magbalantay

Mayo 8, 2022: Ikaupat nga Domingo sa Pasko sa Pagkabanhaw (World Day of Prayer for Vocations/Dominggo sa Maayong Magbalantay)

Mga Pagbasa: Buh. 13;14,43-52/Sal. 100/Gip. 7;9,14b-17/Jn. 10;22-30

Ang tinuod nga magbalantay nakahupot ning mosunod nga mga hiyas.

1. Nakaila siya sa iyang panon ug nanimaho siyang sama nila. Shepherding is companionship.

Ang atong piliong mangulo mao kadtong magpakabana sa atong tingog kaysa mohatag og pabor sa mga langyaw.

Kaniadto pipila lamang ka percentage ang ihatag nga patigayon ngadto sa mga langyaw ning atong nasud apan karon 100 porsiyento na ang gitugot aron makapanag—iya og patigayon ang usa ka langyaw ning atong nasud.

2. Andam mosakripisyo alang sa iyang panon ug dili kay magpunay lamang og katulog.

3. Ang magbalantay mao kadtong andam makigharong sa mga lobo maluwas lamang ang panon gikan sa kabangis niini.

Sama ni David nga sa makadaghang higayon ang nakigharong sa mga liyon maluwas lamang ang iyang panon ug sa daghang mga gubat siya nanginlabot iyang gipanalipdan ang nasud nga Israel gikan sa mga dautan. Mao kini ang hiungdan kun nganong mahal siya sa katawhan.

4. Ang magbalantay halapad og kasingkasing sa pagdawat sa mga sakop sa iyang panon labina gyud tong mga ihid ug gikalimtan.

Ang tinud-anay nga pangulo moalagad may piniliay man o wala.

Kita ang panahon sa natad man sa pastoral ministry sa atong mga kaparian ug sa mamahimong president sa atong nasud.

Atong iampo lamang nga unta ang mahatag kadtong subay sa kasingkasing ni Jesus atong Ginoo ug dili ang kadtong mosulod lamang sa toril aron manguha ug mangdagmal.

Samtang ang mga sinuholan mobiya lamang labina kun wala nay suhol o dili ba kaha konsabo sa maong tulisan.