Diha sa kabalaka

Dunay toy usa ka inahan nga niadto sa kumbento aron kuno paampoan ang iyang anak.

Kini tungod kay wala naman kini tarong tulog sukad dunay tigulang nga nikadlit sa palad niini inubanan ang yamyam.

Nagpunay naman lang kini og hilak dungan ang pag entertain sa mga kabalaka nga wala dinhi wala didto.

Apan sa ngadto ngadto sa dihang gihimo ang further inquiries nakita nga nahimong biktima sa abuse apil na ang emotional ug spiritual abuse.

Kining maong hitaboa maoy nakapadugang sa iyang subidahon nga kahimtang. Sa maong kahimtang akong nakita kining maong mga realizations:

1. Ang tanan mamahimong biktima sa nagkadaiyang matang sa abuso. Labina kun vulnerable ang usa ka tawo. Ug kini maoy mamahimong opening sa mas daghan pangmga problema.

2. Mind Conditioning mahinungdanon kaayo. Mao nga sa akong bahin, ako siyang giingnan nga gawas sa Dios nga moayo kanimo ang tagtungod kun ikaw gyud mismo maoy moayo usab kanimo. Sa laktod tabangi ang imong kaugalingon.

3. Ang kabalaka mahimong masinati sa kadaghanan kanato. Apan ang bugtong paagi sa pagpakigbatok niini mao man ang healthy mindedness.

Daghan kita og mga kabalaka nga angayan natong pakigbatokan.

Mao nga ning maong mga panahona atong batonan ang Pagtuo nga ang Dios labaw pa sa atongmga kabalaka, paghigugma sa atong kinabuhi mao nga kinahanglan kitang mobangon.

Paglaum nga ang Dios maoy mosulbad sa tanan natong kalisdanan inubanan sa atong pagpaningkamot.