Kalinaw alang sa piniliay

Ang local government sa Alegria inubanan sa kapulisan ingon man ang mga local candidates sa taliabot nga piniliay ang nihimo og peace covenant signing niadtong adlaw nga lunes Marso 21, 2022. Nitambong ko niadto aron paghatag og suporta sa initiative sa LGU ingon man sa C-CIMPEL. Hinuon dili tanang mga kandidato ang nitambong niadto.

Dunay mga kandidato nga wala ka tambong  o dili ba kaha uwahi. Simple ug kadyot ra ang seremonyas.

Dunay mga pudyot sa pamalandong nga atong makuha gikan ning maong hitaboa ug kini naglambigit ning mosunod:

1. Ang kalinaw alang sa piniliay responsibilidad natong tanan.

2. Mahinungdanon ang pagtambayayong inay ang pagdinautay.

3. Mahinungdanon ang pagpadayag sa mga plata porma de gobiyerno dili lang ang pagpakita sa mga pasiatab nga way igong kapasikaran.

4. Mahinungdanon ang pagkahimong maigmat aron mahatagan og maigmatong pagbantay.

Alang sa mga opisyales nga atong botaran mahinungdanon ilang batonan ang LASER nga sa ato pa:

1. Loyalty sa Constitution ug dili sa personal interest.

2. Availability sa tanang panahon sa panginahanglan sa iyang panon.

3. Sincerity sa panumpang gibuhian panahon sa kompaniya.

4. Empathy sa panginahanglan sa uban ug maantigong mo EMPOWER kun ang pag delegar sa command and responsibility,

5. Retroactive ug dili Reactive sa mga panghitabo ug krisis.

Kaanindot  kun matuman kining tanan. Mabuhi ang Pilipinas! Apan kun lider nga kaugalingon lamang ang gilantaw aw! Gikabuhi ang Pilipinas!