Kahilom

Dunay libro nga Benedictine Rule ang ulohan. Kini sinulat ingon nga balaod sa mga monasteryo diin si San Benito ang abad. Kabahin niini mao man ang kalabot sa kahilom. Ania ang iyang gipamulong kalabot niini.

Atong tumanon kun unsay gipamulong sa propeta diha sa iyang pag-ingon:

Akong bantayan ang akong pamatasan aron dili ako makasilo sa uban labina na diha sa paggamit sa akong dila. Akong bantayan ang akong baba. Diha sa pagpaubos ako magpakahilum ug likayan ko ang pagtabi ni ang paglitok bisan gani sa mga maayong pulong.

Dugang pa si San Benito nagkanayon: “Dili ka makalikay sa Sala kon Kanunay kang Magtabi!” Mao nga dili gyud maayo ang idle talks kun ang mga panagtabi nga walay hinungdan. Kay anaa sa mga tab inga walay hinungdan ang mga butang makaangin ni bisan kinsa sa pagpakasala.

Ang kinabuhi ug kamatayon mahimong pandayon pinaagi sa imong dila. Ang mga walay hinungdang panlibak angayang likayan. Ang makasilag nga mga pulong angayang putlon kay pinaagi sa paghimo sa ingon mabatonan mo ang imong kalinaw, ingon man ang kalinaw sa uban. Alang nako usa sa mga nindot kaayo nga gitudlo kanato ning panahon sa kwaresma mao man ang paghilom.

Si Lao Tzu nagkanayon:

Watch your thoughts they will become words

Your words will become actions

Your actions will become your habits

Your habits will become your character

And your character will become your destiny.

Kun unsa ang imong gisulti mao man ang imong pagka ikaw.