Pagdayeg alang kanimo

Dunay pre-gospel acclamation nga gitagik ni Narcisa Fernandez. Elementarya pa lang ako ug paborito baya gyud ni nakong kantaha.

Niadtong binata nga mga pangandoy nga magpari ko. Tuod man nahitabo gyud kini.

Makapadasig gayud ang mga pulong nga nagkanayon:

Pagdayeg alang kanimo, Ginoong Jesu-Kristo

Hari sa Himaya nga walay katapusan!

Ang pulong mo O Ginoo, among kahayag

Ug kaluwasan!

Ang atong panaw sa kwaresma dili lang mahitungod sa magul-anon kaayo nga mood kay lagi naghinulsol kita sa atong mga sala.

Apan angayan gihapon kitang magmalipayon sanglit ang kamanggihatagon ni Kristo Jesus sa iyang kaugalingon mao man ang nagtubos kanato gikan sa atong mga sala.

Angay ug matarong lamang nga ang Dios atong daygon, simbahon ug sundon. Dili lang diha sa atong mga pulong kondili usab sa atong tagsatagsa ka mga kinabuhi.

Angayan kitang magmadasigon ug magpaspas padulong sa kalbaryo dili aron maluya kondili aron magmalagsik sa paghangop sa atong krus.

Kini tungod kay ang krus nato dili man kita mahimong tawgon nga mga Kristohanon kondili halayo ang krus sa atong kinabuhi.