Ang Bunga
Pebrero 27, 2022: Ikawalong Domingo sulod sa tuig
Mga Pagbasa: Sir. 27;4-7/Sal. 92/1 Cor. 15;54-58/Lk. 6;39-45
Maoy mopahibalo kanato kun unsang matanga siya sa kahoy o tanum siya gikan. Tanum ba siya nga himsog o tanum ba siya nga dautan.
Ning paagiha, ang bunga maoy salamin sa tinubdan. Sama pud na sa mga tawo. Ang atong binuhatan maoy momantala sa atong kaugalingong kinaiya.
Nahinumdom nuon ko sa giingon ni Lao Tzu:
Watch your thought they will become words
Your words will become your actions
Your actions will become your habits
Your habits will become your character
Your character will become your destiny
Mao nga alang kanato dili paigo ang pagtuo lamang hinunoa, mas mahinungdanon nga mag-uban sila diha sa pagsaksi sa kang Kristong Pagtulon-an. Buhat maoy pasultihon dili kay Sulti maoy Pabuhaton.
Unta alang sa tanang mobotar karong panahona, hinomdomi nga ang mga tinuod nga mga lider makita dili diha sa paagi nga sila manulti kondili diha sa ilang pagpamuhat segun sa gitahas kanila.
Pilia ang mga matarong ug ayaw ang mga dautan. Pilia ang mga manggihunahunaon sa kaayohan sa kinabag-an ug dili kadtong mga dautan ug kawatan.
- Latest
