Road right of way

Dear Atty. Divine,

Duna mi napalit nga portion sa yuta nga nahimutang sa interior part. Usa ra ang tag-iya niini ug karong bag-o namatay na. Ang iyang mga anak nagbahin-bahin na sa property. Ang akong pangutana kun makapangayo ba mi og agianan nga anaa ra ba mi sa luyo nga bahin? Ang among Deed of Absolute Sale dili ba mabalewala nga wa man manotaryohi? Mag 6 years na nga kami nagbayad sa tax kay nabalhin na man sa among pangan. Daghang salamat. — Geramie

* * *

Dear Geramie,

Kun wa gyud moy laing agianan, yes, maka demand mo og road right of way sa mga anak nga maoy-mi inherit sa property. Basi sa balaod, obligado sila nga mohatag og agianan alang sa mga nagpuyo sa luyo nga bahin nga walay lang dalan nga kaagian. Mas maayo nga imo nang i-discuss nila ang kalabot sa imong request nga agianan. Samtang kalabot sa imong Deed of Absolute Sale nga wa manotaryohi, kun pirmado kini sa seller mismo ug dunay mga witness sab niini nga mopamatuod then dili kini mabalewala bisan pa kun namatay na ang nagpirma kay naa may makapamatuod. Apan nag-mention ka nga nabalhin na sa inyong name ang inyong napalit ug kamo na gani ang nagbayad sa buhis so most likely naa moy na-submit sa BIR kaniadto nga notarized Deed of Absolute Sale kay di man ka maka process sa transfer kun di ka moagi sa BIR aron pagbayad sa Capital Gains Tax og Documentary Stamp tax ug ang usa sa mga requirement sa BIR mao man ang notarized Deed of Absolute Sale. Busa kun nabalhin na nimo sa inyong name ang property then wa na moy angay’ng kabalak-an. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.