Kinsay mogasto sa pag repair sa gi-abangan nga balay?

Dear Atty. Divine,

Nag-abang ko og balay for me and for my family sa usa ka subdivision. Last month lang mi nagsugod og puyo sa balay nga among giabangan. Nakabantay ko nga naay leak sa ilang comfort room og guba sab ang faucet sa kitchen. Ako na gipahibawo ang owner sa house ug nagsige lang siya og promise nga ilang ayuhon but until now, wa pa man gihapon lihuka. Ang akong pangutana kun kinsa man ning obligayon moilis aning guba nga faucet ug kun dunay leak sa  drainage, kinsa man ang mopaayo ani? Kami man gud ang ma affected so I am thinking nga ako nalay mopaayo ani? Daghang salamat.

James

* * *

Dear James,

Basi sa atong balaod, ang lessor o tag-iya sa balay mao gyuy mopaayo sa mga guba sa inyong giabangan nga balay. Ang Article 1654 sa atong Civil Code naglatid sa obligayon sa lessor nga naglakip sa pag-maintain sa maayong kondisyon sa giabangan ug sa paghimo sa mga necessary repairs aron kini mamahimong suitable puy-an. Busa sa imo nga kaso mamahimo gyud ka nga mo demand sa lessor nga mohimo og repair sa inyong gipuy-an. Lain nimong option mao sab ang pagpakigsabot sa lessor kun di gyud siya molihok, ikaw ang mopa-repair niini apan imong i-deduct sa imong abang ang expenses.  Mas maayo nga sabuton nimo daan ang lessor una ka mo-decide sa pagpa repair aron pagseguro nga imong ma-deduct sa imong abang ang mamahimo unya nimo nga gastuhan niini. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.