Kon maupos na ang pailob

Buot natong mamahimong mga maayong tawo mao bitaw nga kita motabang gyud sa uban. Apan dunay uban nga atong tinabangan ang nisimang naman hinuon. Mao nga dili sa tanang higayon ang kaayo palungtaron.

Kinahanglan nga dunay limitasyon ang tanan aron dili maabusaran sa mga tawong tampalasan.

Kuyog ning pagkaupos sa atong pailob mao man ang atong kasuko. Dautan ba ang masuko? Ang tubag dili.

Dunay duha ka mga termino nga angayan natong hinumdoman:

1.  Anger control diin atong gitipigan ug atong kasuko ug nagpaabot lang kita og hustong timing aron kini mapabuhagay. Ug kun kini ato nang mapabuhagay nan, mamahimong usahay pintas ra  kaayo ug makadaut.

2.  Anger management diin atong giangkon, gibati ang atong kasuko ug kaligutgot ug ato kining gipadayag sa paagi nga dili pintas ug makatarunganon.

Daghang mga tawo nga stressors ug mga toxic ning atong panahon karon.

Hinuon dili maayo nga atong gastohon pag-ayo ang atong pagbati ning mga walay hinungdang linalang. Usik kini sa atong panahon ug labaw sa tanan wala kitay makuha gikan nila. Suliran sila nga angayang papason sa atong panumdoman.

Mas maayo pa nga dili na lang kita mo focus sa Facebook ug uban pang mga stressors ning panahon karon. Kay gawas nga nikatap na ang fake news inubanan sa mga fake people, nahimong mabaw lamang ang tanan ning panahona. Daghan sa mga gipanghimo ang wala na gyud intawon mapamalandongi. Usa ka ba niini?