Bisan kutas og tungas

Tungason ang kinabuhi ning mga panahona. Economically, daghan ang nagkalisod. Emotionally, daghan ang nahimong depressed. Spiritually, daghan ang nahimong uga ug natay-og diha sa ilang pagtuo. Physically, daghan ang gigutom, gikapoy ug gikutas og tungas sa tumoy pamasin nga mamahimong

Seguro ang tanan alang kanila. Apan padayon nahimong idlas ang maong pangandoy ug sa way igong rason daghanan na gyud kanato ang gipangkapoy ug nagkinahanglan og kahupayan sa gihambin natong mga suliran. Apan sa unsa man kaha kita mahupay?

Sa pag-ampo ba nga matud pa sa uban nahimong wala mapaminaw sa Dios tungod sa kadaghanan natong nagpunay lang og pangayo? Mao ba nga hangtud karon wala gihapon madungog ang dugay na natong gipangayo?

Sa positive thinking ba nga padayong gihulga sa mga negatibong pagbati ug mga panghitabo?

Sa active participation sa mga social causes apan pabiling deadma ang kadaghanan kay lagi dili man nila problema? Labot pa bisan gani ang sinaligan nato nahimong nitaak sa laing dalan nga hawa sa pandemiya ug gihimo naman hinuong unod sa ilang hunahuna ug kasingkasing ang politika. Ambot kaha ang mga pamaagi sa pagsulbad kun nahimo na ba kining pryoridad.

Sa tan-aw ko nahimong kabahin na lamang sa publicity ang tanan. Ug kun padayong mag-iyahay ang matag usa tinuod ba kaha nga mamahimong idlas ang tanang kahupayan ug kutas ang pagtungas sa bukid?

Ang mahinungdanon karon mao ang:

Pagtuo nga dili matarog bisan sa kalisud.

Paglaum nga dunay gitagana nga maayo ang Dios alang kanato.

Paghigugma nga bisan pa man mayubitong kalibutan ug mga katawhan mas makahuloganon sa gihapon ang pagminaayo. Padayon kita sa gihapon bisan kutas ang pagtungas karon.