Laing anti-graft body

Sa inyong nasayran, aduna kitay existing nga anti-graft body, ang Presidential Anti-Corruption Commission (PACC). Karong bag-o ang PACC miumol og laing grupo pagbatok sa korupsiyon, ginganlan og National Anti-Corruption Coordinating Council.

Literally atong masabot nga usa kini ka konseho nga mag-coordinate sa mga kalihokan pagpakgang sa korupsiyon. Sa paglusad niini, kapin sa 40 ka ahensiya ang mitimaan sa memorandum of agreement nga ang chairman mao si Presidente Duterte mismo.

Unsa na may trabaho sa Ombudsman, Sandigan Bayan, ug Commission on Audit? Ang editorial sa Philippine Star nagkanayon:  “There are already two agencies whose mandate is to go after the corrupt and ensure the proper utilization of public funds. One is the Office of the Ombudsman, whose cases are forwarded to a special anti-corruption court, the Sandiganbayan. On its own initiative or motu proprio, the ombudsman can conduct an anti-corruption probe.”

Kon maghisgot kita’g pagbantay sa salapi sa lungsod aron dili kini makawat, anaa ang Ombudsman, nga kon makita nga adunay kasal-anan nga nahimo, ilang iduso ang kaso ngadto sa espesyal nga hukmanan, ang Sandiganbayan.  Di ba?

Laing ahensiya nga nagbantay sa salapi sa lungsod, nga dili kini mawariwari, mao ang Commission on Audit (COA) nga usa ka Constitutional, nga ang mga auditors niini, adunay jurisdiction  ibabaw sa tanang ahensia sa gobiyerno, lakip na na gani ang mga korporasyon nga gipanag-iya ug gi-kontrolar sa kagamhanan, sumala sa gilatid sa Konstitusyon.

Unya, mipadayon ang editorial: “Complementing the anti-corruption agencies is Congress. As a co-equal branch of government, the legislature exercises oversight functions over the executive including its expenditures.” Checks and balance ni. Hinaut nga niining gidugang nga mga ahensiya pagsanta sa korupsiyon, magmalampuson na gayud kita niining maong mga lakang ug tinguha.

* * *

Niay maayong balita, ilabina niadtong wala pa makakunahi, ang atong nasud nagpaabot sa pag-abot sa one-shot nga Sputnik vaccine karong mga bulan sa September. Maghisgot gani ta’g Sputnik, Russia gyud na. Bali og usa ka milyon ka doses ang gipaabot.

Sputnik Light (maora’g San Mig Light), lahi kini sa Spunik V nga double dose.  Ug giingoon dinhi: “The Sputnik V Light is more efficient because we will be able to protect more people faster. This would eliminate the problem wherein people fail to return for their second dose,” nagkanayon si vaccine czar Carlito Galvez Jr.

So, nindot ning Sputnik V Light tungod kay dili kita magbalikbalik ngadto sa vaccine site aron magpabakuna sa ikaduhang dose. Dugang ni Galvez: “The government also expects to receive 190,000 doses of Sputnik V’s Component 2, which is administered as second shot.”

So, alang niadtong hangtud karon, wala pa mo-believe sa bakuna, ug niadtong nagpili og unsa nga brand sa bakuna ang gusto nilang ipabakuna ngadto kanila, higayon na kini nga magpabakuna na sila, kana kon misalig sila sa Russia.

So far, ang atong nasud nakadawat na’g 57.5 million shots gikan sa nagkalainlaing tinubdan lakip na gikan sa COVAX facility. Sukad sa niaging Marso, 17.6 million na ang nabakunahan na. Ikaw, kanus-a man ka magpabakuna? Unsa may imong kahadlokan, ang dagum? O handlok kang ma-zombie?