Tracker

Medyo humupa na rin ang pag-uusap tungkol sa kontrobersyal na kasal ni DUMPER partylist Rep. Claudine Bautista dahil nga ito raw ay bonggang-bongga.

Nagsalita na rin si Claudine.

Ngunit may mga bagay na hindi alam ng karamihan tungkol sa taong pinakasalan ni Claudine na si Jose French Lim IV o mas kilala bilang si ‘‘Tracker’’.

Childhood sweetheart ni Claudine si Tracker na ang pamilya ay siyang dealer  ng Toyota Motors hindi lang dito sa Davao City maging sa ibang parte ng Mindanao gaya ng Tagum City at General Santos City.

Kung may-ari ka ba naman ng limang dealership  ng Toyota Motors hindi lang sa Davao City ngunit maging sa iba’t ibang bahagi ng Mindanao hindi ka naman siguro basta-basta lang na  negosyante.

Ipinakita lang ni Tracker kung gaano niya kamahal si Claudine na kung saan umabot din ng ilang taon ang kanilang pag-iibigan hanggang humantong sila sa kasalan nila sa magarbong Balesin Resort.

Ganun lang si Tracker kung magmahal.