Linog ug uban pa

Daw sa nahimong bug-at ang akong dughan sa dihang nasayran ko nga gilinog diay ang Manila dili pa lang dugay nga moabot sa 6.7 magnitude ang ilang bana bana. Kini na ba kaha ang The Big One?

Matapos na ba kaha gyud ang Kalibotan? Pun-an pa sa akong mga nabasahan kalabot lagi ining mga panagna ni Nostradamus mga upat o lima ka mga siglo na ang nilabay kalabot ning mga hitaboa karon.

May Zombie Acopalypse pa man gani kuno?Pastilan Ginoo! Wa ra ba tay powers sama ni Volta!

Apan ang kamatuoran nagtudlo kanato nga sama sa atong tawhanong kinabuhi ang kalibotan usab nagkatigulang na.

Ang mga hitabo nga sama niini daw nahimong subli sa mga panghitabo kaniadto pa. Ang mga gubat, ingon man ang mga pandemiya daw mga repetition sa mga hitabo kanhi.

Ang padayong pag-evolve sa moral standard ug ang pinakasakit mao man ang tinguha sa pag-humanize sa bisan unsang Diosnon.

Kining maong mga panghitabo daw makahugno kaayo sanglit ang mga tawo ning panahona karon, ilabina ang mga elite group, dunay tinguha nga i-control ang kalibutan.

Daw alang nila mga dios na sila. Ang tinguha nga i-depopulate ang kalibotan pangandoy naman ning tawhana daw sa nasudlan og panuway kini siya.

Apan taliwala ning mga katalagman nga padayong mihasmag kanato, pabilin unta kitang magmalig-on taliwala ning maong dakong kalisdanan kay mamahimong mahanaw ang langit ug yuta apan ang saad sa Dios magpabiling tinuod hangtud sa katapusan.