Mas maayo ra gyud ang diyotay ra

Daghan sa  mga tawo ang ganahan gyud unta nga magpundok ug buot mobalik sa naandan nilang bulohaton kaniadto pa.

Apan gumikan sa pandemiya nahimong limitado ang tanan natong mga bulohaton ug gani nahimong magsalig na lang ta kanunay sa kung unsay imando sa ahensiya nga gisangonan niini.

Unsa man kahay bunga niini alang kanato?

1.  Dili sa tanang higayon nga daghanon ang mga tawo nga nagpalibot kanato. Kinahanglang mamahimo kitang mopili niadtong mga tawo nga giisip natong komportable kita nga ikauban.

Ang ubang mga tawo mga tawong mga toxic ug walay hinungdan.

2. Dili sa tanang panahon ang uban atong paminawon. Adunay uban  kanila nga nahimong mga procrastinator sa tanan natong mga laraw ug gilauman.

3.  Dili sa tanang panahon nga daghanon gyud ang mga tawo diha sa paglihok. Ang uban nila walay hibangkaagan mao nga imbis makatabang magdala man hinuon og dugang kalangay.

4.  Dili sa tanang higayon nga daghanon nimo ang mga tawo diha sa paghimo og desisyon.

Kini tungod kay dunay  mga tawo nga dili  managsama og baruganan. Kay dili  man managsama og baruganan, malisud alang kanato ang gitawag nilang levelling off. The more hinuon nga madugang pa ang conflict.

5.  Dili sa tanang higayon nga ikaw maminaw sa mga sugyot. Kay samot kitang malangay. Ang mahinungdanong tambag mao nga ayaw paghimo og mga butang nga labaw pa sa imong gilauman ug mahimo, kini aron sa ingon dili ka masakitan ug dili ka malain kun ang uban dili gyud mopatalinghug.

Contact the right person for the right job ug hatagi sila og pahalipay segun sa ilang kahago apan sa laing bahin, mas maanindot gyud nga dunay pakapin nga imong pagahimoon aron sila malipay pa gyud.