Gipausbawan ang abangan

Dear Atty. Divine,

Nagabang mi sa usa ka apartment for 10 years na. Pag February gi request mi nga mobalhin  kay mag-renovate sila ug gisaaran mi nga pabalikon after sa renovation. Karong bag-o gipahibawo mi sa owner nga ready na for occupancy ang apartment ug pwede daw mi mobalik  but lahi na ang rent.

Magpa increase daw sila tungod sa expenses sa renovation. Kun di daw mi mosugot sa  increase dili nalang daw mi mobalik.

Ang akong pangutana kun husto ba ning gibuhat sa owner nga magpa increase unya di na mi pabalikon kun di mi misugot sa increase? Daghang salamat.

Rolando

* * *

Dear Rolando,

Basi sa Rent Control Act of 2009, kini nagkanayon nga ang previous lessees adunay preference basi sa Section 9, paragraph d sa maong balaod nga nagkanayon  nga kun dunay gikinahanglang repairs or renovation, ang nag-abang nga gipabalhin atol sa repair or renovation mao gyud unyay priority after sa repair ug renovation.

Basi sa maong balaod, mamahimo sab nga mopa increase ang owner sa rent provided nga ang increase reasonable  tungod sa nagasto pag renovate.

Busa sa imo nga kaso, preference gyud ka nga mobalik sa apartment apan kinahanglan sad gyud mo  nga mobayad sa increase tungod sa expenses sa owner sa pagpa renovate niini.

Kun mahal ra gani, suwayi lang sab sa paghangyo. Thanks and God bless.

Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.