Hubog nga nagmaoy hayan ikiha
Dear Atty. Divine,
Ang akong bana gipasakaan og kaso sa barangay human kini nahubog ug nag-wild didto sa imnanan. Matud sa tag-iya sa tindahan nga kun di bayran sa akong bana ang nangabuak nga ilimnon pasakaan gyud siya og kaso.
Ang akong pangutana kun unsa man nga kaso ang posibleng mapasaka batok sa akong bana? Posible ba siyang mapriso kay wa baya mi kwarta nga ikabayad? Daghang salamat.
Jonabel
* * *
Dear Jonabel,
Ang imong bana posibleng mapasakaan og kasong Alarm and scandal basi sa Art.155 sa atong Revised Penal Code, paragraph 4 tungod sa iyang pag eskandalo samtang siya nahubog. Usa kana ka criminal offense apan ang silot niini , arresto menor lang or pagkabilanggo sud sa usa ka adlaw ngadto na sa 30 ka adlaw.
Ang maximum penalty sa Alarms and scandal dili mosobra sa 6-months busa ubos siya sa Revised Rules on Summary Procedure. Tungod kay minor offense lang kini, dili mahimong dakpon o prisuhon ang imong bana gawas lang kun di siya motunga sa korte atol sa hearing. Apan mas maayo nga inyo nalang husayon ang kaso sa imong bana sa barangay aron di na mo mangabot pa sa korte. Thanks and God bless.
Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column, matag Miyerkules, Sabado ug Domingo.
- Latest
