Service charge unsaon sa pagbahin
Dear Atty. Divine,
Nagtrabaho ko sa usa ka restaurant 6 months na ug duna lang koy pangutana labot sa ilang nakolekta nga service charge kay ang mga newly hired employees sama nako dili man nila iapil sa bahin.
Unsa man diay ang anaa sa balaod? Unsaon man pagbahin ang service charge? Daghang salamat.
Ricky
* * *
Dear Ricky,
Basi sa Art. 96 sa Labor Code, ang tanang service charge nga makolekta sa mga hotels, restaurants ug uban pang susamang establishments kinahanglan ang 85% niini i-distribute sa tanang empleyado ug ang 15% iya sa management.
Ang bahin para sa mga empleyado kinahanglan bahinon in equal share sa tanan gawas lang sa managerial employees. Basi usab sa Section 2 sa Implementing Rules kini nagkanayon nga ang tanang empleyado covered niini regardless sa ilang position, designation or employment status gawas lang sa mga managerial employees.
Buot ipasabot nga bisan kun di pa ka regular kay bag o ka pa sa trabaho entitled ka og share sa service charge. Ug ang schedule sa pag-distribute niini, once every 2 weeks or twice a month. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
