Posibleng makiha og bigamy

Dear Atty. Divine:

Naminyo ko 2 years ago ug ang akong husband usa ka seaman. Duna mi usa ka anak. Karong bag-o sa dihang miuli ang akong bana nakadawat mi og summon gikan sa barangay. Ang mireklamo niini usa ka babaye nga mi claim nga kasal siya sa akong bana  walo ka tuig na ang nakalabay ug duna silay duha ka anak. Nakurat ko sa maong hitabo kay wa gyud mag-mention ang akong bana nga kasal diay siya kaniadto sa laing babaye. Matud sa akong bana nga dugay ra silang nagbuwag sa iyang first wife apan wa ma annul ang ilang marriage. Nahadlok ko nga mopadayon pagpasaka og kasong Bigamy ang first wife batok kanako ug sa akong bana.  Unsay angay namong buhaton? Maapil ba ko sa pagkiha og Bigamy? Daghang salamat.

Lyra

* * *

Dear Lyra:

Kun wa pa ma annul ang first marriage sa imong husband ug nagpakasal siya pag-usab kanimo hayan mamahimo gyud siyang mapasakaan og kasong Bigamy sa iyang first wife ug posible pa nga ilakip ka sa pagkiha niini. Apan kun wa ka masayud labot sa first marriage sa imong bana then magamit kini nimo isip depensa. Basi sa balaod, bisan kun  ang magtiayon nagbuwag na sa dugayng katuigan apan wa ma annul sa korte ang ilang marriage then sa mata sa balaod pabilin silang minyo ug dili  unta sila mamahimong magpakasal pag usab. Ang maayong buhaton sa imong bana mao ang pagpakig estorya sa iyang first wife ug paghangyo kaniya nga dili ipadayon ang iyang pagpasaka og reklamo ug dapat lang nga suportatahan sa imong bana ang  iyang mga anak sa first wife. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.