Unsaon pagtransfer sa heirs ang sinunod nga yuta

Dear Atty. Divine,

Naa mi yuta nga ang nakapangan sa titulo sa ako pang lola. Tulo ang anak ni lola ug apil na ang akong papa. Nag-angkon angkon na silang tulo ka heirs  sa ilang tagsa tagsa ka shares apan wa gyud mabuak ang titulo niini ug nakapangan pa ang title ni lola. Unsay ilang buhaton aron mabuak ug ma-transfer sa pangan sa mga heirs ang maong yuta? Daghang Salamat.

Linda

* * *

Dear Linda,

Aron hingpit na gyud nga mabalhin sa pangan ngadto sa tulo ka heirs ang yuta sa imong lola, sila tulo ka magsuon lakip na ang imong papa, mo execute og Extrajudicial Partition nga pirmahan nilang tulo ug ipanotaryo, ipa-survey sad nila ang yuta ug bahinon og katulo aron mabutang kini sa ilang dokumento nga pirmahan ang ilang Lot number nga maoy ilang share.

Human niini, ilang i-submit sa BIR ang Extrajudicial Partition aron ipa compute ang Estate Tax, adunay list of requirements ang BIR alang sa dapat nilang dokumento nga i-submit ini’g pa-compute sa Estate tax ug mamahimong mokuha sila daan niini sa BIR. Once naana silay computation ilang bayran ang Estate tax.  Ila usab nga ipa approve ang subdivision plan kay kinahanglan ang approved plan ini’g process nila sa pagbu-ak sa title. Kun aduna na silay Certificate Authorizing Registration or CAR sa BIR, then ila nang i-process ang pag-transfer sa Tax declaration ug sa Title aron mabalhin na kini sa ilang tagsa tagsa ka pangan. Thanks and God Bless.

Atty. Divine

* * *

Alang sa inyong pangutana, palihug lang sap ag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.