Unsaon pag transfer sa kabilin

Dear Atty. Divine,

Duna koy pangutana may labot sa properties sa akong pag-umangkon. Ang iyang mama usa ka Pinay ug ang iyang papa usa ka langyaw. Ang iyang mama namatay last year. Ang iyang papa buhi pa. Dunay mga properties ang iyang mama nga gibilin. Gusto unta sa akong pagumangkon nga i-process ug i-transfer na ang  kabilin sa iyang mama. Ang iyang papa miingon nga dili siya interested sa maong mga property. Unsay buhaton  sa akong pagumangkon aron ma-transfer na ngadto sa iyang name ang kabilin sa iyang mama? Daghang salamat. —Nora

Dear Nora,

Ang unang buhaton sa imong pag-umangkon mao ang pag-execute og Extrajudicial Partition with Waiver of Rights uban sa iyang papa. Kini aron ma-transfer ang maong kabilin ngadto lang sa iyang name. Ang iyang amahan bisan kun kini langyaw aduna gihapon kini katungod nga maka inherit isip surviving spouse ug usa kini sa mga exemption sa balaod nga nagdili sa mga langyaw sa pagpanagiya og yuta dinhi sa Pilipinas. Apan tungod kay dili na man interesado iyang amahan sa properties mao nang naay waiver of rights. Kinahanglan nga notarized ang ilang Judicial Partition with Waiver of Rights then ilang ipa-compute sa BIR  ang Estate Tax ug Donors Tax tungod sa share sa iyang papa nga  gi- waive. Ang BIR dunay list of requirements ug mao kini iyang i-comply. Once mabayran na ang mga taxes sa BIR ug ma-release na ang Certificate Authorizing Registration or CAR, pwede na niyang i-process ang pag-transfer sa tax declaration ug ang title. Thanks and God bless. Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.