Over familiarity

Dunay mga higayon nga maayo nga anaa ka sa imong kaugalingong dapit. Kini tungod kay mamahimo kang suheto gayud niini.

Gawas nga suheto, sinati mo ang mga tawo, ang mga kulturanhong sukaranan ug uban pa. sa laktod daw murag og transparent gyud kaayo ang tanan.

Apan sa laing bahin mamahimong ang maong over familiarity maoy moguba sa imong kaugalingong uniqueness kinit ungod kay anaa naman ang bias mismo sa mga sakop sa imong sirkulo.

Wala nila makit-i ang bili sa imong kaugalingong pagkatawo ug kaantigohan. Ingon ini usab ang nahitabo sa atong Ginoo.

Gikwestiyon ang iyang kredibilidad kun asa gikan ang iyang mga nakat-onan.

Dili ba anak man lamang siya og panday ug nakaila sila sa iyang mga igsuon?

Mao nga tungod niadto wala mahitabo ang milagro gawas lamang sa pagtapion sa iyang mga kamot ug pag-ayo sa pipila nga dunay gihambing balatian.

Mao nga ang gihimo ni Jesus very symbolic kaayo ug mao ang pag-adto sa dapit nga awaaw aron pag-ampo ug pagpadayon sa laing dapit kanila nga mahimong mogitib ug motubo ang binhi sa pagtuo.

Sa atong kinabuhi karon labina kun maghisgot kita og social media, grabe kaayo ang paggitib sa tinguha  nga mamahimong daw communal na kaayo at the expense sa individual privacy.

Kun wala na ang privacy mamahimong daw dili na kita makahimo sa bisan unsa nga atong gusto segun sa atong pacing ug sa atong karisma tungod kay ang tanan mohimo man kanato nga  kabahin lamang sa kinatibuk-ang bul-og ug laraw sa pipila nga dunay tinguha nga mosakop sa kadaghanan kanato.

Ingon ana kadautan ang kalibutan karon. Hayloon lamang kita og hinabang aron kita mosalig nila. Kay diha sa pagsalig nila the more sila makapahimulos nato. Ingon ana kadautan ang matag tawo karon.

Dunay mga tawo nga buot motabang kunohay apan mangita diay og bawos. Daghan sila niana karon.

Mas maayo nga  atong panalipdan ang atong privacy kay pinaagi lamang niini mamahimo kitang manggitahatagon sa atong kaugalingon aron sa ingon mamahimo kitang tinud-anay nga manggihatagon usab alang sa uban.