Bisan unsa pa man ang atong kagahapon

Mao kini ang assurance alang ni bisan kinsa nga buot mamahimong sumusunod ni Jesus.

Ang kagahapon dili mao ang determining factor sa atong dakong tinguha nga mamahimong sama sa atong Ginoong Jesus.

Ang tanan mag-agad ra gyud sa desisyon sa matag usa kanato. Desisyon nga nagasukad sa atong tinguha nga mamahimong sama sa atong gitahud ug gisimba.

Apan subo lang kaayo palandungon nga ning panahon sa COVID-19 dunay gihimong survey sa mga nangangkong mga theologians didto sa America nga matud pa 55 porsiyento nga mga Amerikano nagtuo ug gani nakadayeg nga si Jesus usa gyud ka maayong magtutudlo.

Wala silay ikalalis niini. Nindot og epekto ang iyang pagtulon-an alang sa mga tawo.

Apan, sa laing bahin, ang nakadaut mao nga matud nila si Jesus dili Dios ni Dili siya Ginoo, usa lang siya ka ordinaryong tawo ug nga siya ang pinakataas nga kalidad sa mga linalang sa Dios.

Dili na kinahanglang moadto na kita sa mga balay alampoanan kay ang balay mismo diin kita nagasud-ong sa pagahimoong live streaming ang paigo na kaayo; diha sa atong pag-ampo.

Ang mga balay diin kita nagpuyo. Ug kun magpadayon kini bugtong pagtuo lamang ang atong pagahuptan diha sa atong pagpalawom sa atong personal nga pag-ila sa Dios sa atong kinabuhi.

Husto ba kaha si Frederich Nietzche sa iyang pag-ingon: God is dead and the churches are the sepulchers of God.  Sa laktod nga pagkasulti nahimong practical atheist ang kadaghanan kanato. Kutob na lamang kita sa pag-glorify sa humanistic side sa bisan unsang aspeto sa atong pagtuo apan nahikalimot kita sa pag-transcend beyond niini.

Ang resulta daw sa nawad-an kita sa gana ug sa kaulahian mawad-an na pud kita og paglaum.

Dako kaayo og epekto ang COVID-19 sa atong kinabuhi karon. Apan bisan pa man niini, padayonon lang gihapon nato ang pag-ampo bisan nawad-an na kita og gana.  Kay pinaagi lamang sa pagbaton sa malaumong tanlag kita makalahutay sa gihapon ning mga pagsulay nga kanato mihasmag.

May kasaypanan man kitang nahimo apan wala kini magpasabot nga sa maong kasaypanan ra gihapon kita nagpakabilanggo ug nagpaka ulipon sa gihapon? Hinumdomi ang atong kagahapon dili maoy molatid sa atong kaugmaon.