Satanic delusion

Ato unang i-define ang delusion. Matud pa sa libro nga Encyclopedia of Human Behavior p. 305, ang delusion mao ang false irrational belief arising out of unconscious emotional needs and maintained in spite of logical absurdity or proof to the contrary.

Delusions might be fragmentary or highly systematized, coherent and superficially convincing, as in paranoid states.”

Kining maong kahimtang maoy rason luyo sa nahitabong pangsunog sa mga simbahan didto sa Chile. Ang mga balay alampoanan ni Santiago ug San Francisco Borgia.  Malipayon kaayo ang mga tawo o mga raliyista nga nagsud-ong ning maong hitabo. Singgit sa kalipay ang ilang gihimo samtang nagsud-ong sa mga simbahan nga gipangsunog.

Protesta nga nahimong mapintason.Mao nga gikinahanglan gyud kaayo ang reparation ug hugot nga pag-ampo. Anaa na gyud tingali ang anti-kristo. Subo lang gyud palandungon nga unta gobiyerno ra man ang ilang kontra nganong ang mga simbahan man ang ilang gun-obon.

Aduna ba silay delusion nga si Satanas ang mas gamhanan pa kay sa Dios? Irrational kaayo ang maong binuhatan ug bugtong mga tawo nga dunay deperensiya sa pangisip ug pagbati ang mohimo sa ingon mao nga dili gyud maayong mokumpiyansa karong mga panahona.

Sa akong bahin, gibati ko gyud ang tumang kaluya ug kakapoy nga nagsud-ong ning hitaboa.

Apan sulod sa akong kahiladman ako gipahinumdoman nga imbis bation ang kahadlok kinahanglan nakong mohimo og extra mile diha sa pag-ampo alang agig spiritual protection sa akong mga parokyano ug sa tanang mga tawo nga nagtuo sa gahum sa Dios gikan sa gahum nga yawan-on.

Lisud gyud kun maoy magdaghan. Nahimong balit-ad ang panlantaw sa kadaghanan.

Daghan ang nagtan-aw sa karon ambot lang kaha kun mamahimo ba silang mahigmata sa linugdangan sa ilang binuhatan pohon.

Ang satanic delusion bisan pa man kun ugaling dilli mopakita sa mas dayag nga pagsimba kang satanas mahimong makita ug masinati diha sa mga ideyolohiya sa mga tawo kang kansang pagbati ug panghunahuna dunay dakong kaligutgot sa relihiyon ug sa bisan unsang sagrado.  Ug kun padayon kining pagahimoon nagpasabot ba kini nga magun-ob na ang maong pagtuo? Ang tubag dili kay bisan gani ang kamatayon dili man makabuntog niini!