Stay home lang gyud una ko

Lipay kaayo ko niining pamahayag ni Mayor Ed Labella nga ang stay-at-home order magpabilin, gawas kon libkason na kini sa IATF kon Inter-agency Task Force.  Lipay kaayo ko ini kay hangtud karon, bisan og medyo ni-relax na ang uban kanato, hadlok gyud gihapon kong mogawas gikan sa balay kaylagi kaming mga senior citizen vulnerable man o daling matakdan sa sakit.

Gani. bisan kon ma-lifted na kining maong kamandoan, ug tugotan na kaming makagawas gikan sa among mga panimalay, mag-stay home lang gyud una ko, hangutd nga mabakonahan na ko sa coronavirus vaccine. Alang nako, kuyawan pa ko nga mag-stay out karong panahona.

Sayo pa, si Vice Mayor Mike Rama misugyot nga tugotan na ang mga senior ctizen pagpagula gikan sa ilang mga panimalay, sa iyang giingon nga: .”unfair rules and practices” nga gipahamtang sa kagamhanan sa siyudad ngadto sa mga senior citizen.

Tubag ni Labella, sumala sa napatik The Freeman: "Nakasabot ko where the good vice mayor is coming from kay siya sad senior citizen, ako sad senior citizen. Pero kini man gu'ng paghimo sa mga restriction, this came from the Inter-Agency Task Force.

Tanan nga gipahigayon o gilatid nga mga requirements, especially when it comes to health protocols in the midst of this coronavirus crisis, gikan man gyud sa taas."

Dugang ni Labell nga suma sa mga eksperto sa panglawas, ilang nakita nga mga 60 porsiyento, o labaw niini nga nataptan sa virus mga senior citizen. Misugyot si Labella nga idiretso ngadto sa IATF ang mga concerns ni Rama ngadto sa IATF.

Sa ako nang giingon sa unahan, kon mosugot man ang IATF nga tugotan na kaming mga senior citizen pagpagawas gikan sa among mga panimalay, mo-stay lang gyud una ko, kay alang kanako, the virus is still very much with us.

Nganong mosugal man ko? Kamo lang.

Kay kon hunahunaon, sumala sa ako nang nahisgutan dinhi, nga tungod kay daghan nang tawo ang manggawas sa ilang mga balay, mas gikinahanglan ang mas estrikto nga pagpatuman sa mga health protocols.

Di ba? Bisan tungotan na ang mga senior citizen pagpagula gikan sa ilang mga balay, gumikan sa paga-vulnerable niini.

So, antus lang una ta, ni Labella pa, utong lang una ta. Kay after all kining mga restrictions nga gipahamtang nganhi kanato, kaayohan ma kini kanatong tanan.

* * *

Ug niay maayong balita, kining headline sa Philippine Star nga nagkanayon: “Vaccine trials may start this month — DOST.” Nindot di ba? Makapabuhi sa dugo.

Matud sa World Health Organization (WHO), magsugod na sunod semana ang clinical trials sa Sputnik V vaccine nga gi-develop sa Gamaleya Institute sa Russia.

Matud ni Rowena Cristina Guevara, science undersecretary for research and development,  nga: “the confidential data agreements (CDAs) entered into by the Philippine government with six institutions and pharmaceutical companies – Adimmune of Taiwan; Seqirus of Australia; Russia’s Gamaleya Institute; Sinovac, Sinopharm an ko d Anhui Zhifei, all from China – will pave the way for the conduct of local clinical trials for their respective candidate COVID-19 vaccines.”

So, duna diay local clinical trials? Asa kaha ug kinsa kaha? Duna man toy niingon nga siya ang unang magpa-testing!