Gustong mo avail sa maternity leave

Dear Atty. Divine,

Nagtrabaho ko sa gobiyerno og regular ko nga employee sud na sa napulo ka tuig. Last year naminyo ko og karon buntis ko sud na sa pito ka buwan sa akong first baby. Gusto ko nga mo avail sa maternity leave kon manganak ko pohon. Ang akong pangutana kon pila ka buwan ang akong ma avail nga maternity leave? Kompleto ba ang akong sweldo sa panahon nga ako mo avail sa maternity leave? Daghang salamat. —Jane

Dear Jane,

Basi sa Republic Act 11210 kon 105 -day Expanded Maternity Leave Law, ang mga babayeng trabahante entitled og 105 days nga paid maternity leave. Basi sa Section 4 sa maong balaod, kini nagkanayon nga ang mga female pregnant employee sa government service regardless sa ilang employment status sa mga national agencies, LGUs, GOCCs, state universities or colleges entitled og 105 days maternity leave with full pay regardless kon normal or ceasarian ang pagpanganak niini. Apan kon solo parent ang nanganak aduna pa gyud siya'y additional 15 days nga leave with pay basi sa Solo Parents Act. Apan kinahanglan nga iyang pahibaw on iyang agency in writing og tumanon ang mga rekesitos labot sa iyang pag-avail sa maternity leave. So klaro kaayo sa maong balaod nga with pay ang imong pag-avail sa maternity leave basta di lang ka mosobra sa gitugot sa balaod. Thanks and God bless. Atty. Divine

* * *

Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.