Custody sa bata

Dear Atty. Divine,

Duna koy pangutana labot sa custody sa akong anak nga 3 anyos na. Ang amahan sa bata usa ka langyaw ug anaa nako ang bata ug gisuportahan kini sa amahan after mi nagbuwag last year. Karon mihangyo ang amahan nga siya ang mo custody sa among anak kay gusto niya nga adto sa ilang nasud pa-eskwelahon. Wa ko mosugot  kay di ko gusto nga mabuwag nako ang bata ug  tungod niini mihulga ang amahan nga moadto siya sa korte aron iyang kuhaon ang custody sa akong anak. Ang akong pangutana, duna bay basis ang amahan pagkuha  sa custody sa akong anak? Daghang salamat. —Jessica

Dear Jessica,

Basi sa atong balaod, kun ang bata illegitimate gani, ang inahan ang adunay parental authority niini.Buot ipasabot nga ang inahan ang dunay   katungod nga mo custody sa bata. Nalatid sab sa atong balaod nga kun ang bata below 7 years old  di gyud kini ibuwag sa inahan. Hinuon dunay mga exceptions ang maong mga provision sa balaod, sama pananglit kun gi-abandon o gi-abuso sa inahan ang bata, or dunay sakit nga mananakod ang inahan or dunay problema sa pangisip ang inahan so pwede nga makuha ang custody sa bata gikan sa inahan apan nagkinahanglan kini og court order. Apan sa imo nga kaso, wa koy nakitang basihan sa amahan aron iyang kuhaon gikan kanimo ang bata. Mas maayo nga imong sultian ang amahan sa bata nga wa kay planong i give-up ang custody sa imong anak ug ang iyang katungod mao lang ang pagbisita sa bata. Thanks and God bless. —Atty. Divine

Alang sa inyong pangutana, ipadala lang sa legal Corner  sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkukes, Sabado ug Domingo.