Way katungod nga mangayo og bahin ang kapuyo

Dear Atty. Divine,

Ang akong igsuon nga lalaki patay na og duna siya’y katipon apan wa silay anak. Aduna mi na-inherit nga property gikan sa among mga ginikanan.

Nagkasabot mi sa akong mga igsuon nga among bahinon ang maong property. Ang akong pangutana kon maapil ba sa bahin ang katipon sa akong igsuon nga namatay nga di man sila kasal og wa sab silay anak? Daghang Salamat.

Pidio

* * *

Dear Pidio,

Kon inherited ang property og dili pinalit sa imong igsuon og sa iyang katipon then way katungod nga mangayo og bahin ang kapuyo sa imong igsuon nga namatay. Kon aduna pay anak ang imong igsuon, ang iyang anak maoy mabahinan sa iyang share apan kay wa man siyay anak so ang iyang share mapunta kaninyong mga igsuon nga nahibilin.

Mas maayo nga inyong pasabton ang iyang katipon labot niini aron makasabot siya nga wa siyay katungod sa maong property kay inherited man kini gikan sa inyong mga ginikanan og gawas pa dili sab sila kasal sa imong igsuon nga namatay so wa gyud siyay katungod nga mo-inherit sa property sa imong igsuon. Thanks and God bless.

Atty. Divine

* * *

Alang sa inyong pangutana, palihug lang sa pag email sa flores_ [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.