Wa gi-acknowledge ang bata sa amahan

Dear Atty. Divine,

Aduna koy anak nga illegitimate  ug wa kini gi acknowledge sa amahan. Ang bata ten years old na ug wa sab magsuporta ang amahan niini. Karong bag-o akong nahibaw an nga namatay ang amahan sa  akong anak kay naaksidente. Naay mga property ang iyang amahan kay negosyante man kini ug wa pa naminyo. Ang akong pangutana kun maka inherit ba ang akong anak sa kabtangan sa iyang amahan? Daghang salamat.

Lorna

* * *

Dear Lorna,

Basi sa atong balaod, ang illegitimate nga anak mamahimong maka inherit sa iyang amahan kun siya gi acknowledge sa amahan nga iya kining anak pinaagi sa public o private instrument. Basi sa Art. 175 sa atong Family Code ang mga illegitimate children mamahimong mo establisar sa ilang filiation ngadto sa korte apan kinahanglan nga  iya kining i-file samtang buhi pa ang  amahan. Basi sab sa mga nahaunang desisyon sa Korte Suprema nga ang acknowledgment sa putative father importante kaayo aron ang illegitimate child dunay katungod nga maka inherit. Busa kun wa gi acknowledge ang bata maglisud kini sa pag inherit og di sab mahimo nga i-file ang petition to prove filiation sa bata kun patay na  ang amahan sama sa kaso sa imong anak. So maglisud gyud imong anak pag inherit sa iyang amahan kay wa man siya gi acknowkedge. Apan kun maayo ang  pamilya sa amahan sa imong anak, mamahimong suwayan nimo pagpaila kanila ang bata pamasin nga ila kining ilhon og ilang hatagan og share.  Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.