Way sulod

Abril 12, 2020: Domingo sa Pasko sa Pagkabanhaw

Mga Pagbasa: Buh. 10;34a,37-43/Sal. 118/Col. 3;1-4/Jn. 20;1-9 (Lk. 24;13-35)

Maingon nga ang mga kadalanan gipaningkamotan nga walay sulod ug way magtikawtikaw ang lubnganan usab sa atong Ginoo way sulod. Way sulod tungod kay nabanhaw siya.

Way sulod tungod kay ang lubnganan dili man maoy iyang pinuy-anan hangtud sa hangtud. Kini tungod kay ang atong Ginoo, Ginoo sa mga buhi ug dili sa mga patay. Siya ang atong kinabuhi ug ang maghahatag og kinabuhi natong tanan.

Ang atong kinabuhi ning panahon sa COVID-19 kinabuhi baya gyud sa kahaw-ang. Kahaw-ang tungod kay nahimo kitang detached sa tanang naandan natong mga buluhaton adlaw adlaw. Haw-ang tungod kay nahimong magpuyo na lamang kita sa suok sa pamasin nga ang maong pagpuyo sulod sa suok pamaagi aron masunpo sa hingpit ang Coronavirus.

Kini tungod kay matud pa nila ang virus magpabilin lamang sulod sa pipila ka mga adlaw. Apan magpabilin kining buhi ug anaa kun daghan ang molihok ug lihokan sama natong mga tawo. Lihokan kita tungod kay daghan ta og gilikayan ug daghan tang dili puy-an.

Hadlok ta nga magpuyo. Kini tungod ning mosunod:

1. Una, tungod kay daghan man nato ang dili buot makighugoyhugoy sa kahilom. Kay diha man gud sa kahilom atong makita ang kamatuoran ug sa atong nasayran dili tanang kamatuoran nindot paminawon mao nga buot natong himoong banga kun busy ang atong kaugalingon.

2. Ikaduha, tungod kay daghan man nato ang ni-equate sa kahillom diha sa kalaay ug kamingaw. Ang kahilom dili lang ang pagkawalay saba. Ang kahilom nagpasbot man og being at peace  kun anaa ka sa kalinaw taliwala sa kagahob sa kalibutan.

3. Ang dili paglihok sa panlantaw sa kadaghanan giisip man nga unproductive nga sa ato pa wa kay bunga o output sa imong kinabuhi. Apan dili kini tinuod kun buot hunahunaon.

 bisan gani diha sa atong espirituhanon ug pastoral nga pagkinabuhi dili sa tanang higayon gumikan kay ang paghilom ug pagpuyo paagi man sa pagbaid sa atong kaugalingon aron kita mamahimong mas mohait pa ning maong paagiha.

Walay sulod ang kadalanan ug nahimong walay sulod usab ang tagsatagsa nato ka mga bulsa gumikan ning maong pandemiya. Apan wala kini magpasabot og kakabus na gyud nga hilabihan.

Ang lubnganan nga way sulod timaan man sa kang Kristong kadaugan batok sa kamatayon.

Ang kadalanan nga himoong hawan simbolo usab sa atong paglampus una sa atong tagsa tagsa ka mga kahilig diha sa atong pagdisiplina sa atong kaugalingon. Ikaduha, batok sa COVID 19 ang Virus nga gamhanan gikan sa WUHAN nga nagdala og KATALAGMAN SA KADAGHANAN.