Gustong usbon ang apelyido sa mga bata

Dear Atty. Divine,

Duna koy duha ka anak from my ex-partner. Ang mga bata nagdala sa iyang surname. Nagbuwag mi sa amahan sa mga bata tungod kay duna siyay laing babaye. Ang mga bata naa sa akong custody ug wa siya magsuporta niini. Gusto unta nako nga ilisan ang surname sa mga bata. Pwede ba kini nako nga buhaton? Daghang salamat. —Jenny

Dear Jenny,

Kun duna kay usbon nga entry sa Birth Certificate sa imong mga anak ilabi na kun naglambigit og surname adto kini nimo ifile sa Korte. Kinahanglan nga imong ijustify sa Korte nganong dapat nimong usbon ang ilang surname. Kun ang imong basis sa pag-usab sa ilang surname tungod lang kay nagbuwag na mo sa amahan sa mga bata imposible kini nga ma-grant sa korte. Basi sa mga nahaunang desisyon sa Korte Suprema kun ang illegitimate child mogamit sa surname sa ilang amahan sa  iyang birth certificate dili kini mamahimong usbon sa inahan later on. Ang anak ra mismo ang makausab niini kun siya anaa na sa hustong edad pinaagi sa pag-file og petition sa korte kun gusto gyud niyang ilisan ang iyang apelyido. Thanks and God bless. —Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana  pinaagi sa akong  column matag Miyerkules, Sabado ug Domingo.