Miuntol ang cheke nga gi issue
Dear Atty. Divine,
Adunay nangutang nako og kwarta nga P100,000.00. Ang among sabot nga bayran niya kini sud sa unom ka buwan og mi issue siya og post dated nga cheke.
Pag-abot sa due date, akong gipa encash ang cheke apan miuntol kini kay way pundo.
Akong gitawgan ang nangutang nako apan di na makontak. Unsay angay nako nga buhaton? Daghang salamat.
Jay
* * *
Dear Jay,
Ang una nimong buhaton mao ang pagpadala kaniya og notice of dishonor og modemand ka og payment sa iyang utang kanimo.
Kon iya kining ibalewala, duna kay duha ka options, una, ang pag-file og kasong kriminal tungod sa iyang nahimong kalapasan sa BP22 human miuntol ang iyang tseke nga gi issue kanimo og hayan mapriso siya niini kun mapamatud-an kay usa man kini ka criminal offense.
Apan kun ang imong gusto nga mabayran lang ka sa utang, ang ikaduha nimong option mao ang pag-file og civil case nga mao ang collection of sum of money.
Adto kini nimo ifile sa Municipal Trial Court sa small claims og mas paspas ang proseso niini ug di na sad ka magkinahanglan pa og lawyer.
Duna nay porma daan ang korte nga dapat nimong i-fill up alang sa small claims ug mao kini imong i-submit sa korte. Thanks and God bless.
Atty Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St. Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
