Gipahamtangan og taas nga interest sa utang

Aduna koy gihuwam nga kwarta from a lending company payable for 6 months. Apan wa nako kini mabayri in full within the agreed period human nasakit ang akong mama ug dako mi og nabayran sa hospital. Karon nakadawat  ko og demand letter  from the lending company ug halos midoble na ang akong utang tungod  sa kadako sa interest niini. Akong gihangyo  ang lending  company nga minusan unta ang interest nga 7% per month aron di ko malubong sa utang apan wa kini mosugot kay mao daw among napirnahan. Ang akong pangutana kun obligado ba ko mobayad sa interest? Daghang salamat.

Lea

* * *

Dear Lea,

Basi sa Article 1956 of the New Civil Code kini nagkanayon nga mamahimo lang makakolekta og interest ang nagpautang kun kini adunay kasabutan in writing labot sa gipahamtang nga interest. Sa imo nga kaso , duna moy pinirmahan nga  kasabutan ug dapat lang kini nga tumanon  sa matag habig. Hinuon kun sa imong tan- aw, excessive ra ang maong interest  then mamahimo kang modangop sa korte og ipa-reduce ang interest. Pagkakaron, gisuspend ang pagpatuman sa Usury Law o paghatag og limit sa interest rate hinungdan nga ang mga lending company makapatuyang og pahamtang og taas nga interest. 

Apan adunay mga nahaunang  desisyon ang Korte Suprema nga gi-reduce ang interest sa utang human kini gikonsiderar nga excessive. Busa kun gusto gyud ka nga ma-reduce ang interest sa imong utang kinahanglan ka nga modangop sa korte. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa  Banat News sa V. Gullas St., Cebu City or email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.